Տեղեկատվական նամակ Փետրվար 2020

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

• «Ամքոր Հայաստան» ԲՀ-ի տնօրեն Գոհար Գրիգորյանը և ծրագրի համակարգող Անահիտ Գասպարյանն այցելեցին ԱԼԲՀ, ծանոթացան հիմնադրամի գործունեությանն ու իրականացվող ծրագրերին։ Շնորհակալ ենք նրանց՝ շարունակական աջակցության համար։
• Հյուրընկալեցինք Ոստիկանական Ակադեմիայի մի քանի ուսանողների, որոնք քաղցրավենիք և թխվածքաբլիթ էին բերել փոքրիկ բնակիչների համար։ Նրանք հուզված հեռացան կենտրոնից՝ խոստանալով հաճախ այցելել։

 ՄԱՅՐԱՏՈՒՆ

 Մայրատանը տիրում է սիրո ու համերաշխության մթնոլորտ։
 Անում ենք հնարավորինս՝ բնակիչների օրն ավելի հաճելի դարձնելու համար։

• Կենտրոնում տոնեցինք ավանդական Տեառնընդառաջը։ Քահանայի առաջնորդությամբ կատարվեց ժամերգություն, այնուհետև բնակիչները, ավանդույթի համաձայն, ցատկեցին կրակի վրայով։
• Հայաստանի մանկապատանեկան մշակութային հիմնադրամի անդամներն այցելեցին կենտրոն։ Երգեցին ավետարանական երգեր, բնակիչների հետ խաղացին զանազան հետաքրքիր խաղեր և նվիրեցին  քաղցրավենիքի փաթեթներ։ Փոքրիկ բնակիչները միշտ անհամբերությամբ են սպասում նրանց գալուն։

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Հիվանդանոցներ այցելելն արդեն ավանդույթ է դարձել։ «Աստղիկ» ԲԿ-ի նորածինների մայրերն ուրախ էին ԱԼԲՀ-ի աշխատակազմի կողմից իրենց նորածիններին տրամադրված նվերների համար։
• «Հույսի Ճրագ» ծրագիրը շարունակվում է։ Շնորհակալ ենք Աստծուն և մեր աջակիցներին, որ հնարավորություն ունենք մարդասիրական օգնություն ցուցաբերել բոլորին, ովքեր դիմում են մեզ օգնություն ստանալու ակնկալիքով։ Բարեգործությունից անմասն չեն մնում նաև Սիրայի փախստականները։

 ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• «Ամքոր Հայաստան» ԲՀ-ին՝ «Պնակ մը Կերակուր» և «Մայրատուն» ծրագրերի մասնակիցներին հիգիենայի պարագաներ նվիրաբերելու համար և «Ամքոր Հայաստան» ԲՀ-ի տնօրեն Գոհար Գրիգորյանին և ծրագրի համակարգող Անահիտ Գասպարյանին՝ այցելության  համար։
•  «Նատալի Ֆարմ» ընկերությանը մեծ քանակությամբ կաթի, յուգուրտի, հյութի, թեյի և այլ սննդային նվիրաբերության համար։
•  Բոլոր նրանց, ովքեր մատաղ են նվիրաբերում «Պնակ մը Կերակուր» և «Մայրատուն» ծրագրերի մասնակիցների համար, ինչպես նաև հովանավորներին, ովքեր ամեն ամիս նվիրատվություն են կատարում  «Պնակ մը Կերակուր» ծրագրի իրագործման համար։
• Բոլոր հովանավորներին Կալիֆորնիայից՝ նոր և խնամքով օգտագործված հագուստի նվիրաբերության համար։
• Սամ Կանավատիին` SAGA իտալական արտադրության հարյուրավոր նոր հագուստներ նվիրաբերելու համար։
• Կարո Օբզանեանին՝  12 էլեկտրական սայլակի նվիրաբերության համար, որոնք մայիսին կփոխադրվեն Հայաստան։
• Սեբու և Մարալ Չատոեաններին՝ Ալտադենտայի «24/7   հարմարավետ հագուստ» ապրանքանիշից նոր հագուստով լի բազմաթիվ տուփեր նվիրաբերելու համար։

Գնումներ կատարե՛ք Smile.amazon.com/ch/26-4474704  հասցեով և  Amazon-ը իր վաճառքի քիչ տոկոսը նվիրատվություն կանի Արմենիան Լայթհաուս Բարեգործական Հիմնադրամին:

Մենք բաց ապաստան ենք, խնդրում ենք այցելել մեր կենտրոն:
Արե’ք  Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:

Կիսվեք Ձեր օրհնություններով կարիքավորների հետ: 

Հասցե՝   1145, ՀՀ, Արմավիրի մարզ, գ. Պտղունք, Վարդանանց 1

Հեռ.: 374-93-32-78-34; 374-43-500-503

www.armenianlighthouse.org   E-mail: armenianlighthouse@gmail.com


Խնդրում ենք նվիրատվություն կատարել հետևյալ հասցեով՝

Խնդրում ենք հավանել մեր Facebook-յան էջը՝

Տեղեկատվական նամակ Հունվար 2020

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

• Բնակիչներն այցելեցին Կ. Ստանիսլավսկու անվան դրամատիկական թատրոն և վայելեցին ամանորյա ներկայացումը։ Տոմսերը նվիրել էր թատրոնի տնօրինությունը։ Շուրջ երկու տարի է բնակիչների համար ներկայացման ավճար տոմսեր են տրամադրվում։
• Սուրբ Ծննդյան տոնին՝ երեկոյան, բնակիչները գնացին Փարաքարի Սբ․ Մարիամ Աստվածածին եկեղեցի, մասնակցեցին Սուրբ Պատարագին, այնուհետև վերադարձան կենտրոն և վայելեցին տոնական ընթրիքը։
• Ամեն տարի՝ հայկական Սուրբ Ծննդյան տոնից հետո, տեղի քահանան գալիս է օրհնելու կենտրոնը։ Այս տարի նույնպես քահանան օրհնեց կենտրոնը, ինչպես նաև հացը, աղն ու ջուրը և բաժանեց ապաստանի բնակիչներին ու աշխատակազմին։
• Հայաստանի մանկապատանեկան մշակութային հիմնադրամի անդամներն այցելեցին կենտրոն։ Փոքրիկ բնակիչներին նվիրեցին խորհրդանշական գեղեցիկ գլխարկներ և փուչիկներ, նաև պատրաստել էին ներկայացում՝ Հայոց բանակի օրվա կապակցությամբ։ Ներկայացման ավարտին փոքրիկ բնակիչները ստացան քաղցրավենիքի փաթեթներ։

ՄԱՅՐԱՏՈՒՆ

Ապաստանում օրերը հագեցած են և հետաքրքիր։

• Բնակիչները մասնակցում են տարբեր դասերի և մասնագիտական դասընթացների, ինչպես նաև պարբերաբար մարզվում մարզասրահում։ Անում ենք ամեն ինչ՝ բարելավելու համար բնակիչների ոչ միայն ֆիզիկական, այլև հոգեկան վիճակը։
• Խմբային թերապիան բնակիչներին օգնում է հաղթահարել իրենց առջև ծագած յուրաքանչյուր խնդիր: Տրամադրում ենք ապահով տարածք լիցենզավորված հոգեբանի և բնակիչների հաղորդակցման համար։

   ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Շարունակում ենք այցելել հիվանդանոցներ և նվերների տեսքով անակնկալ մատուցել մայրերին և նորածիններին։ Այս ամիս «Աստղիկ», «Էջմիածին» և «Բեգլարյան» ԲԿ-ների նորածինները նվերներ ստացան ԱԼԲՀ-ի աշխատակազմից։
• «Հույսի Ճրագ» ծրագրի շրջանակներում բազմաթիվ անապահով ընտանիքներ  ստանում են մարդասիրական օգնություն։ Հնարավորություն ունենք տրամադրելու հագուստ, կոշիկ, տակդիր, անվասայլակ և այլ անհրաժեշտ իրեր, որոնք  նվիրաբերվել են հիմնադրամի՝ Կալիֆորնիայի աջակիցների կողմից։

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• Կ․ Ստանիսլավսկու անվան ռուսական դրամատիկական թատրոնի տնօրեն Ֆրեդերիկ Դավթյանին՝ ամանորյա ներկայացման անվճար տոմսեր տրամադրելու համար։
• Տեր Պարթև Աշուրյանին, որի առաջնորդությամբ ամեն ուրբաթ անցկացվում է Սուրբ Գրքի սերտողություն։
• Բժիշկ Սամսոն և Արմենուհի Մարտիրոսյաններին, ինչպես նաև Հարություն Հարությունյանին՝ մատաղ նվիրաբերելու համար։
• Հայաստանի մանկապատանեկան մշակութային հիմնադրամի անդամներին՝ ամեն ամիս ապաստան այցելելու համար։

Գնումներ կատարե՛ք Smile.amazon.com/ch/26-4474704  հասցեով և  Amazon-ը իր վաճառքի քիչ տոկոսը նվիրատվություն կանի Արմենիան Լայթհաուս Բարեգործական Հիմնադրամին:

Մենք բաց ապաստան ենք, խնդրում ենք այցելել մեր կենտրոն:
Արե’ք  Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:

Կիսվեք Ձեր օրհնություններով կարիքավորների հետ: 

Հասցե՝   1145, ՀՀ, Արմավիրի մարզ, գ. Պտղունք, Վարդանանց 1

Հեռ.: 374-93-32-78-34; 374-43-500-503

www.armenianlighthouse.org   E-mail: armenianlighthouse@gmail.com


Խնդրում ենք նվիրատվություն կատարել հետևյալ հասցեով՝

Խնդրում ենք հավանել մեր Facebook-յան էջը՝

Տեղեկատվական նամակ Դեկտեմբեր 2019

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

 ԱԼԲՀ կենտրոնում ամանորյա մթնոլորտ է։

  Դեկտեմբերը լի էր տոնական իրադարձություններով և տոնակատարություններով։

• Գլենդելի «Phoenicia» ռեստորանում տեղի ունեցավ ԱԼԲՀ-ի      միջոցառումը։ Հաջող և հետաքրքիր միջոցառում էր։ Շնորհակալ ենք բոլոր աջակիցներին։
• Բրիգադային մոտովարորդների ակումբի անդամներն «Արմենիան Լայթհաուս» ԲՀ-ի համար կազմակերպել էին խաղալիքների հավաք։ Խաղալիքները ուղարկվեցին ԱԼԲՀ-ի պահեստ, այնուհետև նրանք գնացին Ղազարյանների՝ ԱՄՆ-ում գտնվող  առանձնատուն՝ հանդիպելու հիմնադիրներին։
• Հայաստանի մանկապատանեկան մշակութային հիմնադրամի անդամներն անակնկալ էին պատրաստել փոքրիկ բնակիչների համար։ Երգեր երգելուց և զանազան հետաքրքիր խաղեր խաղալուց հետո փոքրիկ բնակիչներին նվիրեցին քաղցրավենիքի փաթեթներ։
• «Պնակ մը Կերակուր» ծրագրի մասնակիցները վայելեցին ԱԼԲՀ-ի ամանորյա տոնախմբությունը։ Ստացան նվերներ Ձմեռ պապիկից, այնուհետև մասնակցեցին տոնական ճաշկերույթին։

·        ԱԼԲՀ-ի աշխատակազմը հրավիրված էր Մուսալեռի և Պտղունքի մանկապարտեզների ամանորյա հանդեսներին։ Հանդեսների ավարտին աշխատակազմը նվերներ տրամադրեց սաներին։ Երեխաները շատ ուրախ էին ԱԼԲՀ-ից նվերներ ստանալու առթիվ:

ՄԱՅՐԱՏՈՒՆ

• Հակոբ Պարոնյանի անվան պետական երաժշտական կոմեդիայի թատրոնի տնօրենը ամանորյա ներկայացման անվճար տոմսեր էր տրամադրել ապաստանի բնակիչներին։ Հրաշալի ներկայացում էր։
• Պտղունք համայնքի համայնքապետը նվիրել էր տոնական համերգի տոմսեր։ Բնակիչները վայելեցին համերգը, այնուհետև զբոսնեցին Երևանի տոնական փողոցներով։
• Փոքրիկ բնակիչները տիկին Թամարայի և Ռուզաննայի օգնությամբ պատրաստել էին Ամանորին նվիրված հիանալի հանդես: Հանդեսի ավարտին բոլորը Ձմեռ պապիկի կողմից ստացան նվերներ:
• Մեծ ոգևորությամբ տոնեցինք Ամանորը։ Բնակիչները պատրաստել էին փոքրիկ միջոցառում, որի ընթացքում երգեցին երգեր, պարեցին, այնուհետև ներս եկավ Ձմեռ պապը և նվերներ բաժանեց բոլորին։

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• Պրն․ Արթուրին «Շեն տուն» սուպերմարկետից՝ սննդի նվիրաբերության համար։
• Էջմիածնի № 1 սուպերմարկետի սեփականատեր Ժորժ Նավասարդյանին, որը տրամադրեց սնունդ և հյութեր, որպեսզի բնակիչներն ունենան ամանորյա համեղ սեղան։
• Լուսինե Ազոյանին՝ ապաստանի բնակիչներին դեղորայք տրամադրելու համար։
• Հայաստանի մանկապատանեկան մշակութային հիմնադրամի անդամներին՝ ապաստան ամենամսյա այցելությունների համար։
• «Նատալի Ֆարմ» ընկերությանը՝ Հիփփ մանկական սնունդ, յոգուրտ, հյութ, կաթ և լոգանքի գել նվիրաբերելու համար:
• Բոլոր աջակիցներին, ովքեր ողջ տարի մեր կողքին են եղել՝ նվիրաբերելով սնունդ, մատաղ, հագուստ և կոշիկներ։

Գնումներ կատարե՛ք Smile.amazon.com/ch/26-4474704  հասցեով և  Amazon-ը իր վաճառքի քիչ տոկոսը նվիրատվություն կանի Արմենիան Լայթհաուս Բարեգործական Հիմնադրամին:

Մենք բաց ապաստան ենք, խնդրում ենք այցելել մեր կենտրոն:
Արե’ք  Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:

Կիսվեք Ձեր օրհնություններով կարիքավորների հետ: 

Հասցե՝   1145, ՀՀ, Արմավիրի մարզ, գ. Պտղունք, Վարդանանց 1

Հեռ.: 374-93-32-78-34; 374-43-500-503

www.armenianlighthouse.org   E-mail: armenianlighthouse@gmail.com


Խնդրում ենք նվիրատվություն կատարել հետևյալ հասցեով՝

Խնդրում ենք հավանել մեր Facebook-յան էջը՝

Տեղեկատվական նամակ Նոյեմբեր 2019

ՀՅՈՒՐԵՐ ԵՎ ԻՐԱԴԱՐՁՈՒԹՅՈՒՆՆԵՐ 

• Հյուրընկալեցինք Թաիրովի միջնակարգ դպրոցի աշակերտներին՝ տնօրեն Մ․Բաղումյանի գլխավորությամբ։ Երեխաներին բռնություններից պաշտպանելու միջազգային օրվա կապակցությամբ աշակերտները քաղցրավենիքի, երգ ու պարի տեսքով անակնկալ էին պատրաստել ապաստանի փոքրիկ բնակիչների համար։
• Հայաստանի մանկապատանեկան մշակութային հիմնադրամի անդամները գրեթե ամեն ամիս այցելում են կենտրոն։ Այս ամիս երեխաներին ներգրավել էին աշնանը վերաբերող մի շարք պարզ, բայց արդյունավետ խաղերի մեջ՝ նրանց օրն ավելի երջանիկ և լիարժեք դարձնելով:
• ԱԼԲՀ-ում ամանորյա մթնոլորտ է։ Նոյեմբերի վերջին աշխատակազմը և բնակիչները մեծ ոգևորությամբ զարդարեցին ողջ կենտրոնը։

ՄԱՅՐԱՏՈՒՆ

• Այս ամիս ապաստանը համալրվել է նոր բնակիչներով։ ԱԼԲՀ-ն օգնության ձեռք է մեկնում բռնության ենթարկված յուրաքանչյուր կնոջը և նրա երեխային։ Այստեղ նրանք պաշտպանված են և ապահով։ Այս կանանց տրվում է հույս և հավատ, որ իրենց կյանքը կբարելավվի։
• Մասնագիտական դասընթացները շարունակվում են։ Բնակիչները մասնակցում են կարուձևի, մատնահարդարման, ոտնահարդարման, վարսահարդարման, խոհարարական դասերի, ինչպես նաև անգլերենի և համակարգչային դասընթացների։ Այս դասերի հիմնական նպատակն է օգնել բնակիչներին դառնալ ավելի ինքնուրույն, սթրեսակայուն, որպեսզի կարողանան առաջ շարժվել։

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Շարունակում ենք մարդասիրական օգնության ցուցաբերումը կարիքավոր ընտանիքներին և Սիրիայի ներգաղթյալներին, ովքեր մեզ են դիմում օգնություն ստանալու խնդրանքով։ Տրամադրում ենք տաք հագուստ, ծածկոցներ, տակդիրներ և այլն։
• ԱԼԲՀ-ի աշխատակազմն այցելեց Էջմիածին և Բեգլարյան բժշկական կենտրոններ և անակնկալ մատուցեց նորաթուխ մայրիկներին՝ նվերներ տրամադրելով նորածիններին։
• Տրամադրեցինք ձմեռային տաք հագուստ «Պնակ մը Կերակուր» ծրագրի մասնակիցներին։
• Աշխատակազմն այցելեց Մալաթիայի մանկապարտեզ և շապիկներ տրամադրեց 62 սաների։

 ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• Հայաստանի մանկապատանեկան մշակութային հիմնադրամի անդամներին՝ այցելության և բնակիչների օրերն ավելի երջանիկ դարձնելու համար։
• Թաիրովի միջնակարգ դպրոցի աշակերտներին՝ տնօրեն Մ․Բաղումյանի գլխավորությամբ՝ փոքրիկ բնակիչներին պատրաստած անակնկալի համար։
• Նվիրատուներին՝ «Պնակ մը Կերակուր» ծրագիրը հովանավորելու համար։ Ձեր նվիրատվությունների շնորհիվ մեծահասակներն այլևս քաղցած չեն և իրենց սիրված ու պաշտպանված են զգում։
• Տեր և տիկին Կալենդերիաններին, ովքեր Հայաստանում 100 մոմ նվիրաբերեցին՝ դեկտեմբերի 15-ի միջոցառմանը վաճառելու համար։
• Աջակիցներին՝ հրավերն ընդունելու և դեկտեմբերի 15-ի միջոցառմանը ներկա գտնվելու մեր կողքին համար։

Տեղեկատվական նամակ Հոկտեմբեր 2019

Տեղեկատվական նամակ Սեպտեմբեր 2019

ՀՅՈՒՐԵՐ և ԻՐԱԴԱՐՁՈՒԹՅՈՒՆՆԵՐ

• Պատիվ ունեցանք հյուրընկալել Էջմիածնի քաղաքապետ տիկին Դիանա Գասպարյանին: Տիկին Գասպարյանը շրջեց հիմնադրամում, ծանոթացավ գործունեությանը և ապաստանի բնակիչներին:
• Ուրախ ենք տեղեկացնել, որ ՀՀ Արմավիրի մարզպետարանը մարզում ընթացող ասֆալտապատման աշխատանքների շրջանակներում ասֆալտապատել է նաև դեպի «Արմենիան Լայթհաուս» բարեգործական հիմնադրամ տանող ճանապարհը:
• Ապաստանի բնակիչները և «Պնակ մը Կերակուր» ծրագրի մասնակիցներն ուղևորվեցին դեպի Աշտարակի Ձոր՝ պիկնիկի։ Ժամանակ անցկացրին՝ լի պարով և երաժշտությամբ։
• «The Knights and Daughters of Vardan» կազմակերպության անդամ Լուիզա Բաղդասարյանը և «Հայհեղինակ» ՀԿ-ի գլխավոր տնօրեն Սուսաննա Ներսիսյանն այցելեցին ԱԼԲՀ կենտրոն։ Շրջեցին հիմնադրամի տարածքով, շատ  տպավորված էին հիմնադրամի գործունեությամբ։

ՄԱՅՐԱՏՈՒՆ

• Հիմնադրամում գործում է մարզասարքերով հագեցած մարզասրահ՝ նախատեսված ապաստանի բնակիչների համար։ Մարզասրահը ապաստանի բնակիչների առողջության վրա բարերար ազդեցություն է թողնում, ինչպես նաև  միջոց է հանդիսանում վատ տրամադրությունն ու ընկճվածությունը հաղթահարելու համար։ Մարզասրահին անհրաժեշտ է վազքուղի՝ նոր կամ լավ վիճակում։ Խնդրում են կատարեք նվիրատվություն։
• Մասնագիտական դասընթացները շարունակվում են: Անում ենք հնարավորինս, որպեսզի դրական ազդեցություն ունենանք բնակիչների և նրանց երեխաների կյանքի ու բարեկեցության վրա` նախապատրաստելով նրանց դեպի ապագան:

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Արագածոտնի մարզպետարանը կազմակերպեց բաշխման գործընթացը։ Մարզի 80 անապահով ընտանիքներ ստացան մարդասիրական օգնություն։
• Այցելեցինք Էջմիածնի բժշկական կենտրոն և անակնկալ մատուցեցինք մայրերին՝ տրամադրելով նվերներ նորածիններին։
• Մուսալեռի դպրոցի անապահով աշակերտներն ԱԼԲՀ կենտրոնից ստացան դպրոցական պարագաներ։

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• Արմավիրի մարզպետ Համբարձում Մաթևոսյանին, ով մարզում ընթացող ասֆալտապատման աշխատանքների շրջանակներում ներառեց նաև դեպի ԱԼԲՀ տանող ճանապարհը։
• Սեթա և Ֆեդի Քուդահիներին՝ ուղևորությունը դեպի Աշտարակի Ձոր հովանավորելու համար։
• Տեր և տիկին Կալենդերիաններին՝ Տեր Արամ Դեկմերջիանի նվիրաբերած Աստվածաշունչը ԱԼԲՀ կենտրոնին փոխանցելու համար։
• Այն  մարդկանց, ովքեր սատարում են մեր առաքելությանը՝ բնակիչներին տրամադրելով  սնունդ, հագուստ և դրամական նվիրատվություն:

Կարիք ունենք հովանավորների, ովքեր հենասյուն կդառնան հետագայում  հիմնադրամն  ամուր պահելու գործում։
 
Խնդրում ենք հովանավորներին տարեկան 5000 ԱՄՆ դոլար նվիրատվություն կատարել, եթե միանվագ փոխանցումը հնարավոր չէ, խնդրում ենք նվիրատվություն կատարել մասնակի փոխանցումներով Ձեզ հարմար ցանկացած եղանակով՝ աջակցելու հիմնադրամին այս աստվածահաճո աշխատանքը շարունակելու համար։
Որպես նվիրատու՝ Ձեր անունը պատվով կցուցադրվի աջակիցների ցուցատախտակին՝ ապաստանի նախասրահում, և մեզ այցելող յուրաքանչյուր հյուր կտեսնի և կտեղեկացվի, թե ով է հիմնադրամն ամուր և զորեղ պահողը:
Խնդրում ենք նկատի ունենալ այս կարևոր աշխատանքի մի մասնիկը դառնալու հնարավորությունը։

Գնումներ կատարե՛ք Smile.amazon.com/ch/26-4474704  հասցեով և  Amazon-ը իր վաճառքի քիչ տոկոսը նվիրատվություն կանի Արմենիան Լայթհաուս Բարեգործական Հիմնադրամին:

Մենք բաց ապաստան ենք, խնդրում ենք այցելել մեր կենտրոն:
Արե’ք  Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:

Կիսվեք Ձեր օրհնություններով կարիքավորների հետ: 

Հասցե՝   1145, ՀՀ, Արմավիրի մարզ, գ. Պտղունք, Վարդանանց 1

Հեռ.: 374-93-32-78-34; 374-43-500-503

www.armenianlighthouse.org   E-mail: armenianlighthouse@gmail.com
 
 
Խնդրում ենք նվիրատվություն կատարել հետևյալ հասցեով՝

https://www.paypal.me/Armenianlighthouse

Խնդրում ենք հավանել մեր Facebook-յան էջը՝

https://www.facebook.com/ArmenianLighthouseCharitableFoundation/

Տեղեկատվական նամակ Օգոստոս 2019

ՀՅՈՒՐԵՐ և ԻՐԱԴԱՐՁՈՒԹՅՈՒՆՆԵՐ

• Ոստիկանության ՔՀԳՎ 3-րդ վարչության պետ Նելլի Դուրյանն ու ոստիկանության Վաղարշապատի բաժնի անչափահասների գործերով և ընտանիքում բռնության կանխարգելման բաժանմունքի տեսուչներն այցելեցին մեր կենտրոն: Շրջեցին կենտրոնով և ծանոթացան իրականացվող ծրագրերին։
• Հովիկ և Հուրի Մկրտիչյանները հովանավորեցին «Պնակ մը Կերակուր» ծրագրի մի քանի ճաշկերույթ և հյուրասիրեցին մեծահասակներին։
• Շարժայից (Արաբական Միացյալ Էմիրություններ) Տեր Արամն այցելեց ԱԼԲՀ և շրջեց տարածքով: Նա տպավորված էր հիմնադրամի տարածքում գտնվող մատուռ-եկեղեցով և նվիրեց Աստվածաշունչ՝ մատուռ-եկեղեցու խորանի համար:
• Հիմնադիրները կազմակերպեցին 2019 թվականի մկրտության երկրորդ արարողությունը։ Մկրտվեց 4 մայր և 12 երեխա։

ՄԱՅՐԱՏՈՒՆ

• Տեր և տկն. Ղազարյանները կազմակերպեցին «համբուրգեր փարթի» ապաստանի բնակիչների և աշխատակազմի համար։ Պատրաստեցին համեղ համբուրգերներ, ֆրի  և հյուրասիրեցին բնակիչներին։
• Հայաստանի մանկապատանեկան մշակութային հիմնադրամի անդամները բակային ճամբար կազմակերպեցին ապաստանի փոքրիկ բնակիչների համար: Շնորհակալ ենք բնակիչների օրն Աստծո սիրով լցնելու և նրան փառաբանող երգեր սովորեցնելու համար։

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Հրաչ և Շանթ Ղազարյանների ընտանիքները մասնակցեցին Արարատի մարզի Աբովյան համայնքի 80 անապահով ընտանիքներին մարդասիրական օգնության բաշխման գործընթացին: Ընտանիքները ստացան պայուսակներ՝ լի հագուստով, կոշիկներով և խաղալիքներով: 
• Հայաստանում Սիրիայից ներգաղթյալները բնակություն էին հաստատել՝ առանց տան որևէ կահավորանքի: Տրամադրեցինք  երկու մահճակալ՝ ներքնակներով, սեղան, աթոռներ, մանկասայլակ, պահարան, օրորոց և հագուստ:

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• Էմմա Ավետիք Ղազարյանին՝ կենտրոն այցելելու և բնակիչների հետ դեմքի խնամքի վերաբերյալ սեմինար անցկացնելու համար։
• Անահիտ Անանյանին՝ բնակիչների հետ ապրելակերպը բարելավող սեմինարներ անցկացնելու համար։
• «Ամքոր Հայաստան» ԲՀ-ին՝ կենտրոնին հիգիենիկ պարագաներ և սրբիչներ նվիրաբերելու համար։
• Սամսոն և Արմենուհի Մարտիրոսյաններին՝ մատաղ նվիրաբերելու համար։

Գնումներ կատարե՛ք Smile.amazon.com/ch/26-4474704  հասցեով և  Amazon-ը իր վաճառքի քիչ տոկոսը նվիրատվություն կանի Արմենիան Լայթհաուս Բարեգործական Հիմնադրամին:

Մենք բաց ապաստան ենք, խնդրում ենք այցելել մեր կենտրոն:
Արե’ք  Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:

Կիսվեք Ձեր օրհնություններով կարիքավորների հետ: 

Հասցե՝   1145, ՀՀ, Արմավիրի մարզ, գ. Պտղունք, Վարդանանց 1

Հեռ.: 374-93-32-78-34; 374-43-500-503

www.armenianlighthouse.org   E-mail: armenianlighthouse@gmail.com
 
 
Խնդրում ենք նվիրատվություն կատարել հետևյալ հասցեով՝

https://www.paypal.me/Armenianlighthouse

Խնդրում ենք հավանել մեր Facebook-յան էջը՝

https://www.facebook.com/ArmenianLighthouseCharitableFoundation/

Տեղեկատվական նամակ Հունիս 2019

ՀՅՈՒՐԵՐ և ԻՐԱԴԱՐՁՈՒԹՅՈՒՆՆԵՐ 
 

Տեղեկատվական նամակ Մայիս 2019

ՀՅՈՒՐԵՐ և ԻՐԱԴԱՐՁՈՒԹՅՈՒՆՆԵՐ 
 

Տեղեկատվական նամակ Ապրիլ 2019

ԻՐԱԴԱՐՁՈՒԹՅՈՒՆՆԵՐ 

• ԱԼԲՀ-ում տոնեցին Սուրբ Հարությունը: Բնակիչները մասնակցեցին պատարագին, որից հետո կենտրոնում նրանց էր սպասում զատկական համեղ ուտելիքներով լի սեղանը: Այս օրերին մենք Հայաստանում վայելում ենք հիմնադիրների ներկայությունը, ուստի նրանք ևս միացան տոնական ճաշկերույթին:

• Փոքրիկ բնակիչներն իրենց պատրաստած հանդեսով անակնկալ մատուցեցին բոլորին. երգեցին երգեր, պարեցին և բանաստեղծություններ արտասանեցին:

• Կալիֆոռնիայից Սոնյա Ղազանչյանը այցելեց մեր հիմնադրամ և հանդիպեց հիմնադիրների հետ:
• Ջո Գրիգորյանը և Վահան Գաբուջյանը Կալիֆոռնիայի «Code 3 Angels»-ից սեմինար անցկացրին առաջին բուժօգնության և սիրտ-թոքային վերակենդանացման վերաբերյալ: Բոլոր բնակիչները վերապատրաստվեցին, սովորեցին ձեռք բերած գիտելիքները կիրառել նաև գործնականում: Սեմինարի վերջում մասնակիցները ստացան վկայագրեր:

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

•  ԱԼԲՀ-ն «Հույսի ճրագ» ծրագրի շրջանակներում շարունակում է մարդասիրական օգնություն տրամադրել կարիքավորներին և Սիրիայի ներգաղթյալներին՝ սեր և գթառատություն ներդնելով նվիրաբերված յուրաքանչյուր իրի մեջ:

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• Գինեկոլոգ Սոֆա Թևոսյանին՝ ապաստանի բնակիչների հետ բուժզննում և խորհրդատվության անցկացնելու համար:
• “AHABA” կազմակերպությանն ու բժիշկ Ելենա Սագայանին, ով միջոցներ է տրամադրել դեղորայքի ձեռքբերման համար, և Սուսաննա Օնանյանին ՝ դեղորայքը գնելու և դրանք «Մայրատուն» ու «Պնակ մը Կերակուր» ծրագրերի մասնակիցներին տրամադրելու համար:
• Վաչագան Թամազյանին՝ սննդի շարունական նվիրաբերության համար:
• Նարինե Մայիլյանին և Հենրիկ Փանոսյանին` նոր խաղալիքներ նվիրաբերելու համար, որոնք ուրախություն և երջանկություն բերեցին փոքրիկ բնակիչներին:

Մենք Ձեր օգնության կարիքն ունենք այս աշխատանքըկատարելու համար, խնդրում ենք կիսվել Ձեր օրհնություններով կարիքավորների հետ: 

Ձեր գնումները էական նշանակություն ունեն
Գնումներ կատարե՛ք Smile.amazon.com/ch/26-4474704  հասցեով և  Amazon-ը նվիրատվություն կանի Փարոս Լայթհաուս Արմենիան Բարեգործական հիմնադրամի համար ԱՄՆ-ում:

Մենք բաց ապաստան ենք, խնդրում ենք այցելել մեր կենտրոն:
Արե’ք  Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:

Հասցե՝   1145, ՀՀ, Արմավիրի մարզ, գ. Պտղունք, Վարդանանց 1

Հեռ.: 374-93-32-78-34; 374-43-500-503

www.armenianlighthouse.org   E-mail: armenianlighthouse@gmail.com
 
 
Խնդրում ենք նվիրատվություն կատարել հետևյալ հասցեով՝

https://www.paypal.me/Armenianlighthouse

Խնդրում ենք հավանել մեր Facebook-յան էջը՝

https://www.facebook.com/ArmenianLighthouseCharitableFoundation/