Տեղեկատվական նամակ Օգոստոս 2022

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ 

• ԱԼԲՀ-ում տոնեցին փոքրիկ Անահիտի և Էլսայի ծննդյան տարեդարձները։ Հիմնադրամը ծաղրածու էր հրավիրել , ով զվարճացրեց փոքրիկներին՝ մաղթելով գունեղ մանկություն:
• Խնամքի կենտրոնի փոքրիկներն ավարտական հանդես էին պատրաստել։ Նրանք ավարտեցին մանկապարտեզը և պատրաստ են դպրոց մուտք գործելուն։ Մեր հիմնադիրներ Տեր և Տիկին Ղազարյանները նույնպես մասնակցեցին միջոցառմանը և երեխաներին մաղթեցին ամենայն բարիք դպրոցական կյանքում։
• Սբ․ Քառասնից Մանկանց Հայց․ Առաքելական Եկեղեցու քահանա Գարեգին Քհնյ. Պետուրեանը 10 համակարգիչներ նվիրեց մեր դպրոցականներին։Նրանք շատ ուրախ էին նվերները ստանալու առիթով և ցանկանում են ստանալ որքան հնարավոր է շատ գիտելիքներ։  Մենք շատ շնորհակալ ենք նրան նվիրատվության համար։
• Մեր հովանավորներ  Սերժ և Հելեն Ղարախանյանները Գլենդելից այցելեցին ԱԼԲՀ  և նվերներ տրամադրեցին  կենտրոնի բոլոր փոքրիկ բնակիչներին ։ Մենք գնահատում ենք այն ժամանակը, որը դուք անցկացրիք կենտրոնում:

ՄԱՅՐԱՏՈՒՆ

• ԱԼԲՀ-ի բնակիչները շարունակում են  մասնակցել անգլերենի, համակարգչի, կար ու ձևի, մատնահարդարման և վարսահարդարման դասընթացների։ Մասնակցելով դասերին մայրերը ձեռք են բերում նոր հմտություններ և  ինքնավստահություն  իրենց կյանքում փոփոխություններ մտցնելու համար։
• Կենտրոնը շարունակում է օգնել ընտանեկան բռնության զոհ դարձած կանանց և իրենց երեխաներին:

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• ԱԼԲՀ-ն շարունակում է մարդասիրական օգնության բաշխումը անապահով ընտանիքներին՝  տրամադրելով հագուստ, վերմակներ, կոշիկներ, հիգիենայի պարագաներ և խոհանոցային իրեր։
• «Հովանավորի՛ր Ընտանիք» ծրագիրը շարունակում է դրամական օգնություն տրամադրել անապահով ընտանիքներին։

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• ԱՄՆ-ից հենասյուն դարձած  բոլոր նվիրատուներին, ովքեր օգնում են ապաստանը բաց պահելու գործում։
• Սննդի նվիրատվություն կատարողներին, ովքեր օգնում են մեր բնակիչներին սնունդով ապահովելու հարցում։
• Նվիրատուներին՝ ախտահանիչ միջոցներ, պահածոյացված սնունդ և Նուտելլա նվիրաբերելու համար։
• Global Expert Shipping կազմակերպությանը իրենց աջակցության համար, Հայաստանում մեր ժողովրդին օգնելու համար։