Տեղեկատվական նամակ Հուլիս 2022
August 19, 2022
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- ԱԼԲՀ-ն հրավիրված էր Ղազարյանների անվան Պտղունքի մանկապարտեզի՝ երեխաների ավարտական ներկայացմանը։ Հիմնադրամն երեխաներին նվերներ տրամադրեց և մաղթեց պայծառ ապագա:
- Բազմաթիվ հյուրեր այցելեցին ԱԼԲՀ: Նրանք շրջեցին կենտրոնով և ծանոթացան ընթացիկ ծրագրերին։ Շնորհակալ ենք մեր բոլոր աջակիցներին դրամական, սննդի և հագուստի նվիրատվություն կատարելու համար։
- «Ամքոր Հայաստան» ԲՀ-ն շարունակում է պանրի ամսական նվիրատվությունը ԱԼԲՀ-ի բնակիչների համար։
ՄԱՅՐԱՏՈՒՆ
- Մասնագիտական վերապատրաստումները շարունակվում են։ ԱԼԲՀ-ի բնակիչները մասնակցում են անգլերենի, համակարգչի, կար ու ձևի, մատնահարդարման և վարսահարդարման դասընթացների։ Մասնակցելով դասերին մայրերը դառնում են ավելի ինքնավստահ և ինքնուրույն։
- Կենտրոնը շարունակում է օգնել ընտանեկան բռնության զոհ դարձած կանանց և իրենց երեխաներին:
ՕԳՆՈՒԹՅՈՒՆ ՀԱՄԱՅՆՔՆԵՐԻՆ
- ԱԼԲՀ-ն շարունակում է մարդասիրական օգնության բաշխումը Հայաստանի և Արցախի անապահով ընտանիքներին ՝ տրամադրելով հագուստ, վերմակներ, կոշիկներ, հիգիենայի պարագաներ և խոհանոցային իրեր։
- «Հովանավորի՛ր Ընտանիք» ծրագիրը շարունակում է դրամական օգնություն տրամադրել անապահով ընտանիքներին։
ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- ԱՄՆ-ից հենասյուն դարձած բոլոր նվիրատուներին, ովքեր օգնում են ապաստանը բաց պահելու գործում։
- Սննդի նվիրատվություն կատարողներին, ովքեր օգնում են մեր բնակիչներին սնունդով ապահովելու հարցում։
- «Ամքոր Հայաստան» ԲՀ-ին՝ պանրի շարունակական նվիրատվության համար։
- Ամերիկայի Հայ Ավետարանչական Ընկերակցությանը՝ մանկական կաթնախառնուրդի շարունակական նվիրաբերության համար:
