Տեղեկատվական նամակ Դեկտեմբեր 2021

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

• ԱԼԲՀ-ն դրամաշնորհ ստացավ «Ամքոր Հայաստան» ԲՀ-ից: Հիմնադրամն ապաստանին նվիրաբերեց հարմարավետ և գեղեցիկ կահույք։ Մենք երախտապարտ ենք «Ամքոր Հայաստան»-ի ղեկավարությանը իրենց շարունակական աջակցության համար:
• ԱԼԲՀ-ն հյուրընկալեց Հայաստանի մանկապատանեկան մշակութային հիմնադրամի անդամներին: Նրանք զվարճացրին փոքրիկ բնակիչներին,երգեցին և խաղացին նրանց հետ:
• ԱԼԲՀ-ն հիանալի հնարավորություն ունեցավ հյուրընկալելու տաղանդավոր մոդելավորող Գևորգ Շադոյանին, ով ևս մեկ շատ հետաքրքիր դաս անցկացրեց ապաստանի բոլոր բնակիչների համար:
• Ամանորի նախօրեին ԱԼԲՀ-ն այցելեց տեր և տիկին Ղազարյանների անվան Պտղունքի մանկապարտեզ և Մուսալեռի մանկապարտեզ։ Երեխաները պատրաստել էին ամանորյա գեղեցիկ ներկայացում,որի ավարտին նվերներ ստացան հիմնադրամից։

 ՄԱՅՐԱՏՈՒՆ

• ԱԼԲՀ-ն շարունակում է անգլերենի, համակարգչի, կարի ու ձևի և մատնահարդարման դասընթացներ անցկացնել ապաստանի բնակիչների համար՝ նրանց գիտելիքներ տրամադրելու և ապագան դյուրին դարձնելու նպատակով:
• Ապաստանը շարունակում է  նորեկներ ընդունել՝  հետևելով  համաճարակային  բոլոր կանոններին:
• ԱԼԲՀ-ն ծաղրածու էր հրավիրել կենտրոն՝  փոքրիկ բնակիչներին զվարճացնելու համար: Նրանք միասին խաղացին, երգեցին և պարեցին։

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Շարունակվում է մարդասիրական օգնության բաշխումը կարիքավոր և տեղահանված  ընտանիքներին: Կենտրոնը տրամադրում է հագուստ, ծածկոց,կոշիկներ, խաղալիքներ,հիգիենայի պարագաներ և խոհանոցային իրեր:
• «Հովանավորի՛ր Ընտանիք» ծրագիրը շարունակում է դրամական օգնություն տրամադրել անապահով ընտանիքներին:

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• ԱՄՆ-ից հենասյուն դարձած  բոլոր նվիրատուներին, ովքեր օգնում են ապաստանը բաց պահելու գործում։
• Էդիտ Ղարախանյանին համակարգչի նվիրատվության համար։
• «Ամքոր Հայաստան» ԲՀ-ին ՝  պանրի ամենամսյա նվիրատվության համար:
• «Ամքոր Հայաստան» ԲՀ-ին՝ կահույքի նվիրատվության համար։
• Բոլորին, ովքեր մատաղ են նվիրաբերում։
• Նվիրատուներին, ովքեր դրամական նվիրատվություն են կատարում ապաստանի սննդային կարիքները հոգալու համար։