Տեղեկատվական նամակ Հոկտեմբեր 2021
November 12, 2021
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- ԱԼԲՀ-ի անձնակազմն այցելեց Հայաստանի Թեղենիկ ու Գոշ գյուղերը և մարդասիրական օգնություն բաշխեց շուրջ 120 անապահով ընտանիքների՝ տրամադրելով հագուստ, կոշիկ, խաղալիքներ, վերմակներ, պայուսակներ, քայլակներ և զուգարանակոնքեր։ Կենտրոնը խաղալիքներ նվիրեց նաև տեղի գյուղերի մանկապարտեզներին։
- Ամեն ամիս «Ամքոր Հայաստան» ԲՀ- ն պանրի նվիրատվություն է կատարում ԱԼԲՀ-ի բնակիչների համար:
- ԱԼԲՀ-ն հյուրընկալեց Հայաստանի մանկապատանեկան մշակութային հիմնադրամի անդամներին: Նրանք զվարճացրին փոքրիկ բնակիչներին, խաղացին նրանց հետ և քաղցրավենիք բաժանեցին։
- ԱԼԲՀ-ի հիմնադիրները բնակիչների և անձնակազմի համար պատրաստեցին հոթ-դոգներ։ Բոլորը շատ ոգևորված էին պատրաստման գործընթացով և մեծ հաճույքով վայելում էին։
ՄԱՅՐԱՏՈՒՆ
- Աստվածաշնչի սերտողության դասերը ԱԼԲՀ-ում շարունակվում են: Քահանան և մեր հիմնադիրն ամեն անգամ նոր թեմաներ են ներկայացնում և մեկնաբանում թեմաների կիրառման ձևերը մերօրյա աշխարհում:
- Շարունակվում են մասնագիտական վերապատրաստումները։ Բնակիչները մասնակցում են մատնահարդարման,վարսահարդարման,անգլերենի,համակարգչի,ինչպես նաև կար ու ձևի դասընթացների։
ՕԳՆՈՒԹՅՈՒՆ ՀԱՄԱՅՆՔՆԵՐԻՆ
- Ամեն ամիս «Հովանավորի՛ր Ընտանիք» ծրագրի շրջանակներում դրամական և սննդի օգնություն է տրամադրվում անապահով ընտանիքներին:
- ԱԼԲՀ-ն շարունակում է մարդասիրական օգնության բաշխումը կարիքավոր ընտանիքներին և հաշմանդամներին: Կենտրոնը տրամադրում է հագուստ, ծածկոց,կոշիկներ, խաղալիքներ և խոհանոցային պարագաներ:
ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- ԱՄՆ-ից և Նոր Զելանդիայից հենասյուն դարձած բոլոր նվիրատուներին, ովքեր օգնում են ապաստանը բաց պահելու գործում։
- «Ամքոր Հայաստան» ԲՀ-ին ՝ պանրի ամենամսյա նվիրատվության համար:
- Ամերիկայի Հայ Ավետարանչական Ընկերակցությանը՝ մանկական կաթնախառնուրդ և դեղորայք նվիրաբերելու համար։
