Տեղեկատվական նամակ Հուլիս 2021
August 5, 2021
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- Հուլիսի 24 -ին ԱՄՆ-ում Հրաչ և Արազ Ղազարյանների առանձնատանը տեղի ունեցավ միջոցառում: Ներկայացվեց մոդելավորող պարոն Գևորգ Շադոյանի հավաքածուն (Հայաստան). ցուցադրության ընթացքում. ընտանիքի աղջիկները ներկայացան որպես մոդելներ:Հավաքածուն ներառում էր երեկոյան զգեստներ և մի շարք աքսեսուարներ: Հյուրերը վայելեցին նորաձևության ցուցադրությունը, համտեսեցին համեղ ուտեստներ և ըմպելիքներ: Ցուցադրության ընթացքում նաև ներկայացվեցին և վաճառվեցին հայ արտիստների աշխատանքները:
- Հիմնադրամի փոքրիկ բնակիչների օրերը լի են ուրախությամբ և ժպիտներով ` իրենց ընկերների ծննդյան տարեդարձների տոնակատարությունների առիթով: Կենտրոնը հյուրընկալեց ծաղրածուին, ով երգեց և տարբեր հետաքրքիր խաղեր անցկացրեց բնակիչների հետ:
- «Ամքոր Հայաստան» ԲՀ- ն շարունակում է ամեն ամիս պանրի նվիրատվություն տրամադրել կենտրոնի բնակիչներին:
- ԱԼԲՀ-ն հյուրնըկալվել էր Պտղունք գյուղի Տեր և Տիկին Ղազարյանների անվան մանկապարտեզ: Երեխաները հետաքրքիր ներկայացում էին պատրաստել, երգեցին և արտասանեցին,իսկ միջոցառման ավարտին նվերներ ստացան հիմնադրամից:
ՄԱՅՐԱՏՈՒՆ
- Շարունակվում են մասնագիտական վերապատրաստումները:ԱԼԲՀ- ի բնակիչները մասնակցում են դասերին ներդաշնակ և ինքնուրույն դառնալու համար:
- Ամեն ուրբաթ ԱԼԲՀ- ի բոլոր բնակիչները մասնակցում են Աստվածաշնչի սերտողության դասերին. նրանք ընթերցում են Աստվածաշունչը, աղոթում և օրհնություն ստանում:
- Յուրաքանչյուր կիրակի ԱԼԲՀ-ի բնակիչներն այցելում են եկեղեցի օրհնություն ստանալու նպատակով:
ՕԳՆՈՒԹՅՈՒՆ ՀԱՄԱՅՆՔՆԵՐԻՆ
- «Հովանավորի՛ր Ընտանիք» ծրագրի շրջանակներում հիմնադրամը տրամադրում է դրամական օգնություն:
- ԱԼԲՀ- ն շարունակում է մարդասիրական օգնության բաշխումը Հայաստանի և Արցախի կարիքավոր ընտանիքներին: Կենտրոնը տրամադրում է հագուստ, ծածկոցներ,կոշիկներ, հիգիենայի պարագաներ և խոհանոցային իրեր:
- Հիմնադրամը շարունակում է այցելել հիվանդանոցներ և նորածնային փաթեթներ բաշխել մայրերին:
ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- ԱՄՆ-ից և Նոր Զելանդիայից հենասյուն դարձած բոլոր նվիրատուներին, ովքեր օգնում են ապաստանը բաց պահելու գործում։
- «Ամքոր Հայաստան» ԲՀ-ին ՝ պանրի ամենամսյա նվիրատվության համար:
- Ամերիկայի Հայ Ավետարանչական Ընկերակցությանը՝ մանկական կաթնախառնուրդ և դեղորայք նվիրաբերելու համար։
