Տեղեկատվական նամակ Մայիս 2021

Նորություններ և իրադարձություններ

• 2021 թվականի նախատեսված առաջին և երկրորդ կոնտեյներներն արդեն Հայաստանում են: Հիմնադրամը սկսել է ապրանքները բաշխել կարիքավոր ընտանիքներին` տրամադրելով էլեկտրական և պարզ անվասայլակներ,հագուստ,կոշիկներ,ծածկոցներ, հիգիենայի պարագաներ, տակդիրներ, խոհանոցային իրեր և այլն:Այժմ սպասվում է նաև երրորդ կոնտեյները,որպեսզի բաշխվի Հայաստանում բնակվող կարիքավորներին:
• Էջմիածնի քաղաքապետարանը սննդի մեծաքանակ նվիրատվություն կատարեց մեր բանկիչների համար:
• ԱԼԲՀ-ն պանրի նվիրատվություն ստացավ «Ամքոր Հայաստան» ԲՀ-ից կենտրոնի բնակիչների համար:
• ԱԼԲՀ-ն խաղալիքներ նվիրեց Արմավիրի մարզի Լենուղի համայնքի մանկապարտեզին: Հիմնադրամն անում է հնարավոր  ամեն բան բոլոր երեխաների կյանքը ավելի գունավոր  և երջանիկ դարձնելու համար:
• Մայիսի 13-ին նշվում է Հիսուս Քրիստոսի Համբարձման տոնը՝ «Ջանգյուլումը»: ԱԼԲՀ-ի բնակիչները տոնեցին Համբարձումը, երգեցին ավանդական երգեր,խաղացին և վայելեցին համեղ քաղցրավենիքներ:

Մայրատուն

• Մասնագիտական վերապատրաստումները շարունակական են: Անգլերենի,համակարգչի,կարի և մատնահարդարման դասընթացների նպատակն է բանկիչներին ավելի ինքնուրույն դարձնել:
• Շարունակվում են աստվածաշնչի սերտողության դասերը ամեն ուրբաթ:
• Ամեն կիրակի բնակիչներն այցելում են եկեղեցի և օրհնություն ստանում:
• Հիմնադրամը շարունակում է ապաստանում ընդունել նորեկների: Նախքան հիմնական շենք տեղափոխվելը,նրանք մեկուսացվում են 14 օր:

Օգնություն համայքներին

• «Հովանավորի՛ր Ընտանիք» ծրագրի շրջանակներում հիմնադրամը տրամադրում է Ձեր կողմից նվիրաբերված դրամական օգնություն հովանավորվող ընտանիքներին:
• Հիմնադրամը շարունակում է այցելել տարբեր  ծննդատներ և բաշխել նորածնային փաթեթներ:

Մենք մեր երախտագիտությունն ենք հայտնում՝

• ԱՄՆ-ից և Նոր Զելանդիայից  հենասյուն դարձած  բոլոր նվիրատուներին, ովքեր օգնում են ապաստանը բաց պահելու գործում։
•  «Ամքոր Հայաստան» ԲՀ-ին պանրի ամենամսյա նվիրատվության համար:       
• Էջմիածնի քաղաքապետարանին սննդի առատ նվիրատվության համար:
• Ամերիկայի Հայ Ավետարանչական Ընկերակցությանը՝ մանկական կաթնախառնուրդ և դեղորայք նվիրաբերելու համար։
• Միհրան Մամուզյանին,որը սնունդ է գնում նոր կյանք կառուցող  արցախցիներից և ուղարկում դրանք կենտրոն (զանգահարեք մեզ,եթե ցանկանում եք օգնել):