Տեղեկատվական նամակ Փետրվար 2020
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- «Ամքոր Հայաստան» ԲՀ-ի տնօրեն Գոհար Գրիգորյանը և ծրագրի համակարգող Անահիտ Գասպարյանն այցելեցին ԱԼԲՀ, ծանոթացան հիմնադրամի գործունեությանն ու իրականացվող ծրագրերին։ Շնորհակալ ենք նրանց՝ շարունակական աջակցության համար։
- Հյուրընկալեցինք Ոստիկանական Ակադեմիայի մի քանի ուսանողների, որոնք քաղցրավենիք և թխվածքաբլիթ էին բերել փոքրիկ բնակիչների համար։ Նրանք հուզված հեռացան կենտրոնից՝ խոստանալով հաճախ այցելել։
Գոհար Գրիգորյանը և Անահիտ Գասպարյանը ԱԼԲՀ-ի աշխատակազմի հետ 
Ոստիկանական Ակադեմիայի ուսանողները փոքրիկ բնակիչների հետ
ՄԱՅՐԱՏՈՒՆ
Մայրատանը տիրում է սիրո ու համերաշխության մթնոլորտ։
Անում ենք հնարավորինս՝ բնակիչների օրն ավելի հաճելի դարձնելու համար։
- Կենտրոնում տոնեցինք ավանդական Տեառնընդառաջը։ Քահանայի առաջնորդությամբ կատարվեց ժամերգություն, այնուհետև բնակիչները, ավանդույթի համաձայն, ցատկեցին կրակի վրայով։
- Հայաստանի մանկապատանեկան մշակութային հիմնադրամի անդամներն այցելեցին կենտրոն։ Երգեցին ավետարանական երգեր, բնակիչների հետ խաղացին զանազան հետաքրքիր խաղեր և նվիրեցին քաղցրավենիքի փաթեթներ։ Փոքրիկ բնակիչները միշտ անհամբերությամբ են սպասում նրանց գալուն։
Բնակիչներն Էջմիածնի Սբ․ Հռիփսիմե եկեղեցում 
Տեառնընդառաջը ԱԼԲՀ-ում
Նոր ավետարանական երգ սովորելիս 
Շյուղագործության դասի ընթացքում
ՕԳՆՈՒԹՅՈՒՆ ՀԱՄԱՅՆՔՆԵՐԻՆ
- Հիվանդանոցներ այցելելն արդեն ավանդույթ է դարձել։ «Աստղիկ» ԲԿ-ի նորածինների մայրերն ուրախ էին ԱԼԲՀ-ի աշխատակազմի կողմից իրենց նորածիններին տրամադրված նվերների համար։
- «Հույսի Ճրագ» ծրագիրը շարունակվում է։ Շնորհակալ ենք Աստծուն և մեր աջակիցներին, որ հնարավորություն ունենք մարդասիրական օգնություն ցուցաբերել բոլորին, ովքեր դիմում են մեզ օգնություն ստանալու ակնկալիքով։ Բարեգործությունից անմասն չեն մնում նաև Սիրայի փախստականները։
Տակդիրներ հաշմանդամի համար 
Նվեր նորածնին
Մարդասիրական օգնություն կարիքավորին 
Սիրիացի ընտանիքը հագուստ և խոհանոցային պարագաներ ստանալիս
ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- «Ամքոր Հայաստան» ԲՀ-ին՝ «Պնակ մը Կերակուր» և «Մայրատուն» ծրագրերի մասնակիցներին հիգիենայի պարագաներ նվիրաբերելու համար և «Ամքոր Հայաստան» ԲՀ-ի տնօրեն Գոհար Գրիգորյանին և ծրագրի համակարգող Անահիտ Գասպարյանին՝ այցելության համար։
- «Նատալի Ֆարմ» ընկերությանը մեծ քանակությամբ կաթի, յուգուրտի, հյութի, թեյի և այլ սննդային նվիրաբերության համար։
- Բոլոր նրանց, ովքեր մատաղ են նվիրաբերում «Պնակ մը Կերակուր» և «Մայրատուն» ծրագրերի մասնակիցների համար, ինչպես նաև հովանավորներին, ովքեր ամեն ամիս նվիրատվություն են կատարում «Պնակ մը Կերակուր» ծրագրի իրագործման համար։
- Բոլոր հովանավորներին Կալիֆորնիայից՝ նոր և խնամքով օգտագործված հագուստի նվիրաբերության համար։
- Սամ Կանավատիին` SAGA իտալական արտադրության հարյուրավոր նոր հագուստներ նվիրաբերելու համար։
- Կարո Օբզանեանին՝ 12 էլեկտրական սայլակի նվիրաբերության համար, որոնք մայիսին կփոխադրվեն Հայաստան։
- Սեբու և Մարալ Չատոեաններին՝ Ալտադենտայի «24/7 հարմարավետ հագուստ» ապրանքանիշից նոր հագուստով լի բազմաթիվ տուփեր նվիրաբերելու համար։
Նվիրաբերություն «Նատալի Ֆարմ»-ից 
Հիգիենայի պարագաների նվիրաբերություն
Գնումներ կատարե՛ք Smile.amazon.com/ch/26-4474704 հասցեով և Amazon-ը իր վաճառքի քիչ տոկոսը նվիրատվություն կանի Արմենիան Լայթհաուս Բարեգործական Հիմնադրամին:
Մենք բաց ապաստան ենք, խնդրում ենք այցելել մեր կենտրոն:
Արե’ք Ձեր նվիրատվությունները այնտեղ, որտեղ կարևոր է և կատարե’ք փոփոխություն մեր բնակիչների կյանքում:
Կիսվեք Ձեր օրհնություններով կարիքավորների հետ:
Հասցե՝ 1145, ՀՀ, Արմավիրի մարզ, գ. Պտղունք, Վարդանանց 1
Հեռ.: 374-93-32-78-34; 374-43-500-503
www.armenianlighthouse.org E-mail: armenianlighthouse@gmail.com
Խնդրում ենք նվիրատվություն կատարել հետևյալ հասցեով՝
Խնդրում ենք հավանել մեր Facebook-յան էջը՝
