Տեղեկատվական նամակ Հոկտեմբեր 2014

ՄԱՅՐԱՏՈՒՆ

 

Մեր ծրագրի ամենակարևոր կողմերից մեկը  բնակիչներին ապրուստի միջոց ձեռք բերելու համար նոր հմտություններ և բազմապիսի միջոցներ սովորեցնելն է, որպեսզի ձեռք բերեն ֆինանսական անկախություն: Մենք ուրախ ենք հայտարարելու, որ մեր անձնակազմում նոր աշխատակից ենք ավելացրել` Անժելային: Նա սովորեցնում է անգլերեն լեզու և համակարգչային դասընթացներ մեր բնակիչներին և դասերից հետո  միշտ պատրաստ է պատասխանել նրանց հարցերին: Տարիներ շարունակ շատ կամավորներ ենք ունեցել, ովքեր բնակիչներին անգլերեն են սովորեցրել սահմանված ժամանակով: Այժմ Անժելան սովորեցնում է ամենօրյա սկզբունքով այն ավելի արդյունավետ դարձնելու համար:

Մեր աղջիկներն ունեն սահմանված ժամեր մեզ խոհանոցում օգնելու համար: Մեր խոհարարը քրտնաջան աշխատում է. վերահսկում  և պահպանում է խոհանոցը՝ վստահ լինելով, որ այն միշտ անբիծ է:  Մաքրությունը մեր #1 պահանջն է և մեր բոլոր բնակիչները գիտեն, որ մենք չենք հանդուրժի դրանում թերանալը:

POST-SHELTER

Շատ ուրախ ենք, որ  post-shelter ծրագիրը գործում է հաջողությամբ: Մեր post-shelter ծրագրի երեխաներից 4-ը գնում են մանկապարտեզ, որը մեր հովանավորության տակ է:  Մեր վերահսկողությամբ մայրը ստանում է հագուստ, կոշիկ և սնունդ, որը լրացում է նրա եկամուտին այն աշխատանքից, որ օգնել ենք  ձեռք բերել:

Նախկին շահառուները, ովքեր ծննդաբերել են մեր կենտրոնում, կամ ուղղակի ապրել են և կրթություն ստացել, այժմ այցելում են մեզ, և մենք ապահովում ենք նրանց  այն ամենով, ինչի կարիքը նրանք ունեն: Այս ամիս սեմինար էր կազմակերպվել մեր բնակիչների համար Կալիֆորնիայի բնակչուհի Էմմա Ղազարյանի հետ: Մեր նախկին բնակիչներից մի քանիսը ևս մասնակցություն ունեցան: Դասընթացի վերջում Էմման նվիրեց նրանց դեմքի և ձեռքի կրեմներ:

Մենք շարունակում ենք մեր «ՊՆԱԿ ՄԸ ԿԵՐԱԿՈՒՐ» և «ՍՈՒՐԲ ԳՐՔԻ ՈՒՍՈՒՄՆԱՍԻՈՐՒԹՅՈՒՆ» ծրագրերը: Մեր հիմնադիրն անցկացրեց իր վերջին սուրբ գրքի ուսումնասիրությունը հոկտեմբերի 17-ին մինչև իր մեկնելը: Այժմ նրանք վերադարձել են ԱՄՆ և աշխատում են այնտեղից:                                                                                                                                               Չորս նոր ծերեր ավելացել են մեր աճող Պնակ մը կերակուր ծրագրին: Մենք աղոթում ենք, որպեսզի այն կարողանանք պահել  շարունակական և հուսով ենք դարձնել շաբաթը երկու անգամ, քանի որ ծերերը քաղցած են և խնդրում են ամեն շաբաթ երկրորդ օրվա համար:

ՕԳՆՈՒԹՅՈՒՆ ՍԻՐԻԱՑԻ ՓԱԽՍՏԱԿԱՆՆԵՐԻՆ և ՀԵՌԱՎՈՐ ԳՅՈՒՂԵՐԻ ԸՆՏԱՆԻՔՆԵՐԻՆ

 

Շարունակում ենք օգնություն տրամադրել հայկական ընտանիքներին, ովքեր փախել են Սիրիայի պատերազմից և եկել են Հայաստան համարյա թե դատարկ: Նրանք գրեթե ամեն օր դիմում են մեր օգնությանը: Նաև շարունակում ենք օգնություն տրամադրել  հեռավոր գյուղերից այն անհատներին և ընտանիքներին, ովքեր դիմում են մեզ օգնության խնդրանքով:

Մենք բաշխում ենք հագուստ, վերմակներ, հարսանեկան զգեստներ, կոշիկներ, խաղալիքներ, քայլակներ, անվասայլակներ, զուգարանակոնքեր և այլ տնտեսական անհրաժեշտ իրեր մեր պահեստից;

Այս ամիս ինչպես սովորաբար բաշխեցինք մեր ամսական դրամական օգնությունները և տրամադրեցինք հագուստ հովանավորյալ ընտանիքների յուրաքանչյուր անդամին:

Մեր խորին շնորհակալությունն ենք հայտնում Նատալի Ֆարմ ընկերությանը օրգանական HIPP  մանկական կեր տրամադրելու համար, նաև մեր կամավոր ընտանեկան բժշկին, գինեկոլոգին և ատամնաբույժին, ովքեր շարունակում են իրենց բարեգործական գործունեությունը՝ տրամադրելով շատ անհրաժեշտ բժշկական օգնություն և ուշադրություն մեր ապաստանի  բռնության զոհ դարձած կանանց և իրենց երեխաներին ,ինչպես  նաև «Պնակ մը կերակուր» և  «Սուրբ Գրքի ուսումնասիրություն» ծրագրերի մասնակիցներին:

ՄԵՆՔ ՁԵՐ ՕԳՆՈՒԹՅԱՆ ԿԱՐԻՔՆ ՈՒՆԵՆՔ ԱՅՍ ԱՇԽԱՏԱՆՔՆ ԱՆԵԼՈՒ ՀԱՄԱՐ: ԽՆԴՐՈՒՄ ԵՆՔ ՈՒՂԱՐԿԵՔ ՁԵՐ ՕՐՀՆՈՒԹՅՈՒՆԸ ՄԵՐ ԿԱՐԻՔԱՎՈՐՆԵՐԻՆ:

 

Խնդրում ենք կատարեք Ձեր նվիրատվությունը.

ALCF   P.O. Box 3595 Seal Beach, California 90740

USA   Ph # 562.598.8025

Fax # 562.598.7958

Armenia ph# 374-91-32-78-34

Address in Armenia:  Armavir Marz, Ptghunk Village, Vartanatz 1

www.armenianlighthouse.org

E-mail:  armenianlighthouse@gmail.com