Տեղեկատվական նամակ Հունվար 2024

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

• ԱԼԲՀ-ի բնակիչները մեծ ոգևորությամբ և ուրախությամբ դիմավորեցին Ամանորը։ Նրանք հիմնադրամի պատրաստած նվերները ստացան, երգեցին ու պարեցին։ Հիմնադրամի փոքրիկ բնակիչները Ձմեռ պապի համար երգեցին ու բանաստեղծություններ արտասանեցին և ստացան իրենց նվերները։ Մթնոլորտը ջերմ էր ու ուրախությամբ լի։
• Հունվարի 5-ին՝ Սուրբ Ծննդյան երեկոյան մեր բնակիչները գնացին Փարաքարի Սուրբ Մարիամ Աստվածածին եկեղեցի, մասնակցեցին Ճրագալույցի արարողությանը և Սուրբ Պատարագին։ Իսկ երբ վերադարձան կենտրոն, ճաշակեցին Սուրբ Ծննդյան ընթրիքը։
• Հայ առաքելական եկեղեցին Սուրբ Սարգսի տոնը այս տարի նշեց հունվարի 27-ին։ Հայաստանում տոնը նշվում է ոչ միայն եկեղեցական արարողությամբ, աղոթքով, այլև ժողովրդական ավանդույթներով։ Տոնի նախօրեին երիտասարդներն ուտում են աղի թխվածքաբլիթներ՝ հույս ունենալով, որ ապագա հարսնացուն կամ փեսան իրենց երազում ջուր կտա: Այս գեղեցիկ ավանդույթին որոշեցին միանալ նաև ԱԼԲՀ-ի բնակիչները և պատրաստեցին աղի բլիթներ։
• ԱԼԲՀ-ի բնակիչները շնորհավորեցին մեր ազգին, սպաներին, զինվորներին և բոլոր զինծառայողներին բանակի տոնի առթիվ։ Նրանց մաղթեցին քաջառողջություն, բարձր մարտական ոգի, խաղաղություն, բարեկեցություն։

 ՄԱՅՐԱՏՈՒՆ

• ԱԼԲՀ-ն շարունակում է բնակիչների համար մասնագիտական դասընթացներ անցկացնել՝ անգլերենի, համակարգչի, կարի, մատնահարդարման, վարսահարդարման և խոհարարության դասընթացներ։ Նրանք տիրապետում են այդ հմտություններին և դառնում ավելի ինքնավստահ։
• Կենտրոնի մեր տաղանդավոր երիտասարդ բնակիչները մասնակցեցին արվեստի դասի, ինչը բոլորին ստեղծագործական եռուզեռ պարգևեց: Այս անգամ նրանք սուզվեցին սքրեչինգի հետաքրքրաշարժ աշխարհում՝ յուրօրինակ և գրավիչ ձևով բացահայտելով իրենց գեղարվեստական ոգին:
• ԱԼԲՀ-ում հավատում ենք խնամքի նկատմամբ ամբողջական մոտեցման խթանմանը` ապահովելով ոչ միայն մեր բնակիչների ֆիզիկական բարեկեցությունը, այլև նրանց հոգևոր խաղաղությունը: Ամեն կիրակի մենք մեր բնակիչների հետ հատուկ ճամփորդություն ենք սկսում դեպի մոտակա եկեղեցիներ՝ ստեղծելով մտորումների, կապի և հանգստության համար սրբազան տարածք։
• Այս ամիս նշեցինք մայրերից Նաիրայի  և մեր փոքրիկ բնակիչ Սարգսի ծննդյան տարեդարձները։ ԱԼԲՀ-ի բոլոր բնակիչները վայելեցին ծննդյան տորթը և խնջույքը՝ մաղթելով նրանց գունեղ և առողջ օրեր:

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• Կենտրոնը շարունակում է օգնել կարիքավոր ընտանիքներին, Արցախից տեղահանված ընտանիքներին՝ տրամադրելով լավաշ, հագուստ, վերմակ, կոշիկ, հիգիենայի և խոհանոցային պարագաներ:
•  «Հովանավորի՛ր ընտանիք» ծրագրի շրջանակներում ԱԼԲՀ-ն շարունակում է հովանավորների կողմից տրամադրված դրամական օգնության բաշխումը:

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• ԱՄՆ-ից հենասյուն դարձած  բոլոր նվիրատուներին, ովքեր օգնում են ապաստանը բաց պահելու գործում։
• «Ամքոր Հայաստան» ԲՀ-ին՝ պանրի շարունակական նվիրատվության համար։
• Ամերիկայի Հայ Ավետարանչական Ընկերակցությանը՝ մանկական կաթնախառնուրդի շարունակական նվիրաբերության համար:
• Վահագն Մեսրոպյանին մսի նվիրատվության համար։
• Պտղունքի մրգի խանութին միրգ և բանջարեղեն նվիրաբերելու համար։