Տեղեկատվական նամակ Դեկտեմբեր 2023
January 11, 2024
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- ԱԼԲՀ-ի բնակիչներն այցելեցին Մուսալեռան հուշահամալիր և Արցախը պաշտպանելու համար իրենց կյանքը զոհաբերած Մուսալեռ և Պտղունք գյուղերի քաջարի զինվորների գերեզման։
- Հայաստանի մանկապատանեկան մշակութային հիմնադրամի անդամներն այցելեցին մեր կենտրոն: ԱԼԲՀ-ի փոքրիկ բնակիչները երգեցին Սուրբ ծննդյան երգեր, տարբեր հետաքրքիր խաղեր խաղացին անդամների հետ։ Մեր փոքրիկները միշտ անհամբեր սպասում են նրանց գալուն։
- Մեր կենտրոնը շարունակում է իր առաքելությունը՝ հոգ տանել և աջակցել մեր համայնքի սիրելի ծերերին «Պնակ մը կերակուր» ծրագրի միջոցով։ Այս անգամ նրանց համար պատրաստել էինք ամանորյա ծրագիր, որը ներառում էր երգեր, պարեր Ձմեռ պապի հետ և ճաշ: Վերջում նրանց նվիրեցինք գեղեցիկ նվերներ։
- Մենք մեր անկեղծ երախտագիտությունն ենք հայտնում Երևանի դրամատիկական թատրոնին, Երևանի պետական տիկնիկային թատրոնին և Երևանի պատանի հանդիսատեսի թատրոնին՝ ԱԼԲՀ-ի բնակիչներին անվճար տոմսեր տրամադրելու և արվեստը բոլորին հասանելի դարձնելու իրենց հանձնառության համար՝ անկախ տարիքից և հանգամանքներից:
- ԱԼԲՀ-ն հրավիրված էր Պտղունք և Մուսալեռ գյուղերի մանկապարտեզների ամանորյա միջոցառմանը։ Շատ ուրախ ու ջերմ մթնոլորտ էր։ ԱԼԲՀ-ն իր հերթին գեղեցիկ նվերներ էր պատրաստել փոքրիկների համար։
ՄԱՅՐԱՏՈՒՆ
- ԱԼԲՀ-ն շարունակում է անգլերենի, համակարգչի, կարի, մատնահարդարման, վարսահարդարման և խոհարարության դասընթացներ անցկացնել ԱԼԲՀ–ի բնակիչների համար՝ նրանց հմտությունները զարգացնելու և նրանց հետագա կյանքը հեշտացնելու համար:
- Մեր փոքրիկ բնակիչներն իրենց հոգին ներդրեցին տոնածառը զարդարելու համար՝ այն վերածելով ուրախության և սիրո փայլուն գլուխգործոցի։
- Այս տարի ԱԼԲՀ-ի փոքրիկ բնակիչները որոշեցին այլ կերպ վարվել։ Խաղալիքների ու քաղցրավենիքի փոխարեն նրանք նամակներ էին գրում՝ խնդրելով խաղաղություն մեր երկրին:
- Այս ամիս նշեցինք Անիի (մայրիկի) և մեր երիտասարդ բնակիչներ Համլետի, Սուրենի, Ռաֆայելի ծննդյան տարեդարձերը։ Թող այս տարին բոլորիդ բերի անսահման երջանկություն, անմոռանալի հիշողություններ և այն ամբողջ սերը, որին դուք արժանի եք:
- ԱԼԲՀ-ի փոքրիկ բնակիչները հավաքվել էին տոնելու Սուրբ Ծնունդը ամենահիասքանչ ձևով՝ զարդարելով ամանորյա թխվածքաբլիթները: Մեր փոքրիկները ջանասիրաբար աշխատեցին պարզ թխվածքաբլիթները տոնական գլուխգործոցների վերածելու համար: Աստղերի, տոնածառի և փոքրիկ մարդուկների տեսքով թխվածքաբլիթները օգտագործվել են ուտելի արվեստի գործեր պատրաստելու համար, որոնք արտացոլում էին օրվա մաքուր ուրախությունն ու երևակայությունը:
ՕԳՆՈՒԹՅՈՒՆ ՀԱՄԱՅՆՔՆԵՐԻՆ
- Կենտրոնը շարունակում է օգնել կարիքավոր ընտանիքներին, Արցախից տեղահանված ընտանիքներին՝ տրամադրելով հագուստ, վերմակ, կոշիկ, հիգիենայի և խոհանոցային պարագաներ:
- «Հովանավորի՛ր ընտանիք» ծրագրի շրջանակներում ԱԼԲՀ-ն շարունակում է հովանավորների կողմից տրամադրված դրամական օգնության բաշխումը:
ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- ԱՄՆ-ից հենասյուն դարձած բոլոր նվիրատուներին, ովքեր օգնում են ապաստանը բաց պահելու գործում։
- «Ամքոր Հայաստան» ԲՀ-ին՝ պանրի շարունակական նվիրատվության համար։
- Բոլոր այն աջակիցներին, ովքեր օգնեցին մեզ սնունդ և հիգիենայի պարագաներ գնել, լավաշ թխել արցախցի տեղահանված ընտանիքների համար։
- №1 Սուպերմարկետին Ամանորի համար սնունդ նվիրաբերելու համար։
- Երևանի դրամատիկական թատրոնին, Երևանի պետական տիկնիկային թատրոնին և Երևանի պատանի հանդիսատեսի թատրոնին՝ ԱԼԲՀ-ի բնակիչներին անվճար տոմսեր տրամադրելու համար։
