Տեղեկատվական նամակ Հոկտեմբեր 2023
November 10, 2023
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- Հոկտեմբերի 1-ին Մայր Աթոռ Սուրբ Էջմիածնի Սուրբ Տրդատ բաց խորանում տեղի ունեցավ աղոթքի հատուկ կարգ՝ ի աջակցություն Արցախի և արցախահայության։ ԱԼԲՀ-ի բնակիչները նույնպես միացան համայն հայությանը ի նշան համերաշխության՝ միասին կանգնելով հանուն խաղաղության և արդարության:
- ԱԼԲՀ-ն սրտանց շնորհակալություն է հայտնում բոլոր առատաձեռն նվիրատուներին, ովքեր բացել են իրենց սրտերը՝ աջակցելու սնունդով, լավաշով և հիգիենիկ պարագաներով մեր մոտակա գյուղերում բնակեցված արցախցի տարհանվածներին:.
- Ամեն ուրբաթ մենք հավաքվում ենք՝ սովորելու Աստվածաշնչյան իմաստությունն և ուսմունքները, իսկ կիրակի օրերին մենք մեր բնակիչներին տանում ենք Եկեղեցի գեղեցիկ և ոգևորող պատարագի, որը աղոթքի, գովասանքի և Աստծո ներկայության դրսևորումն է:
ՄԱՅՐԱՏՈՒՆ
- Մասնագիտական վերապատրաստումները ընթանում են մեծ թափով, և մեր բնակիչները ակտիվորեն մասնակցում են հմտությունների ձևավորող այնպիսի դասընթացների, ինչպիսիք են անգլերենը, համակարգիչը, կարը, մատնահարդարումը, վարսահարդարումը և խոհարարությունը: Այս դասերը միայն հմտություններ ձեռք բերելու համար չեն. դրանք նախատեսված են մեր բնակիչների կյանքում հույսի, նպատակի և երջանկության ոգին վերակենդանացնելուն:
- Եվս մեկ ստեղծագործական օր ԱԼԲՀ-ում: Մեր փոքրիկ բնակիչները գունեղ կավիճներով գետնին նկարելով բացահայտում էին իրենց գեղարվեստական տաղանդը: Գետինը վերածվեց գլուխգործոցի, և իսկապես հետաքրքիր էր տեսնել, թե ինչպես է նրանց երևակայությունը կյանքի կոչվում:
- Հոկտեմբերը ԱԼԲՀ-ում տոնակատարությունների ամիս էր: Կենտրոնում երեք ծննդյան օր տոնեցինք: Մենք ոգևորված էինք Վլադիմիրի, Էլինայի և Գոգայի ծննդյան տոները նշելու համար: ԱԼԲՀ-ն մաղթում է ձեզ հետաքրքիր արկածներով, նոր ընկերներով և քաղցր անակնկալներով լի տարի:
| ՕԳՆՈՒԹՅՈՒՆ ՀԱՄԱՅՆՔՆԵՐԻՆ |
- Կենտրոնը շարունակում է օգնել կարիքավոր ընտանիքներին, Արցախից տեղահանված ընտանիքներին՝ տրամադրելով հագուստ, վերմակ, կոշիկ, հիգիենայի և խոհանոցային պարագաներ:
- «Հովանավորի՛ր ընտանիք» ծրագրի շրջանակներում ԱԼԲՀ-ն շարունակում է հովանավորների կողմից տրամադրված դրամական օգնության բաշխումը:
ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- ԱՄՆ-ից հենասյուն դարձած բոլոր նվիրատուներին, ովքեր օգնում են ապաստանը բաց պահելու գործում։
- «Ամքոր Հայաստան» ԲՀ-ին՝ պանրի շարունակական նվիրատվության համար։
- Բոլոր մատաղի միս (գառան միս) նվիրաբերողներին, ովքեր օգնում են մեզ կերակրել մեր բնակիչներին ու ծերերին։
- Բոլոր այն աջակիցներին, ովքեր օգնեցին մեզ սնունդ և հիգիենայի պարագաներ գնել, լավաշ թխել արցախցի տեղահանված ընտանիքների համար։
