Տեղեկատվական նամակ Օգոստոս 2021
September 21, 2021
ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ
- Հիմնադիրներ Տեր և Տիկին Զոհրաբ և Սեթա Ղազարյանները ժամանեցին Հայաստան: ԱԼԲՀ-ի անձնակազմն ու բնակիչները շատ ուրախ են նրանց վերադարձի առթիվ:Այժմ հիմնադրամում տիրում է ակտիվություն և ոգևորություն.հյուրեր են այցելում կենտրոն, իսկ ծրագրերն ավելի աշխույժ թափ են ստացել :
- ԱԼԲՀ-ում կազմակերպվեց մկրտության արարողություն ՝ կենտրոնի 14 մայրերի և երեխաների համար: Մատուռում մկրտվելուց հետո , շահառուները վայելեցին իրենց համար պատրաստված համեղ մատաղը և աղանդերը, որը հովանավորել էր Նվեր Սահակյանը:
- «Ամքոր Հայաստան» ԲՀ- ն շարունակում է ամեն ամիս պանրի նվիրատվություն տրամադրել կենտրոնի բնակիչներին:
- 2021 թվականի երրորդ կոնտեյները հասավ Հայաստան: Հիմնադրամը շարունակում է կարիքավոր ընտանիքներին և հիվանդանոցներին տրամադրել հագուստ, կոշիկներ, տակդիրներ,խոհանոցային իրեր և բժշկական պարագաներ: Երախտապարտ ենք բոլոր նվիրատուներին,ովքեր օգնում են այս ամենը իրականություն դարձնել:




ՄԱՅՐԱՏՈՒՆ
- Կենտրոնի երեք մայրեր լույս աշխարհ բերեցին երեք փոքրիկ աղջիկների: Բնակիչները շատ ոգևորված էին. նորածինների սենյակները զարդարեցին երփներանգ փուչիկներով՝ դիմավորելով նրանց մեծ ուրախությամբ:
- ԱԼԲՀ-ի բնակիչները այցելեցին Կոմիտասի Թանգարան- Ինստիտուտ և մասնակցեցին հիանալի համերգի:
- Ամեն ուրբաթ մեր հիմնադիրը և Փարաքարի Սբ. Մարիամ Աստվածածին եկեղեցու քահանան շարունակում են անցկացնել Աստվածաշնչի սերտողության դասեր:


ՕԳՆՈՒԹՅՈՒՆ ՀԱՄԱՅՆՔՆԵՐԻՆ
- «Հովանավորի՛ր Ընտանիք» ծրագրի շրջանակներում հիմնադրամը տրամադրում է դրամական օգնություն:
- ԱԼԲՀ- ն շարունակում է մարդասիրական օգնության բաշխումը Հայաստանի կարիքավոր ընտանիքներին,Լիբանանից, Սիրիայից և Արցախից տարհանված ընտանիքներին: Կենտրոնը տրամադրում է հագուստ,ծածկոցներ,կոշիկներ,հիգիենայի պարագաներ և խոհանոցային իրեր:


ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ
- ԱՄՆ-ից և Նոր Զելանդիայից հենասյուն դարձած բոլոր նվիրատուներին, ովքեր օգնում են ապաստանը բաց պահելու գործում։
- «Ամքոր Հայաստան» ԲՀ-ին ՝ պանրի ամենամսյա նվիրատվության համար:
- Միհրան Մամուզյանին սննդի նվիրատվության համար:
- Գևորգ և Սևան Քալենդերյաններին փոքրիկ բնակիչներին գունագեղ խաղահրապարակի նվիրատվության համար:
- Վիգեն Սուլահյանին (Aramco ՍՊԸ) կաթսաներ նվիրաբերելու համար:



