Տեղեկատվական նամակ Հունվար 2021

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

• Ամեն տարի  Սուրբ Ծննդին  քահանան այցելում է ապաստան և տնօրհնեքի կարգ կատարում:Այս տարի նույնպես քահանան օրհնեց կենտրոնը,հացը,ջուրն ու աղը, այն բաժանեց ապաստանի բնակիչներին և անձնակազմին:

• Հայաստանի մանկապատանեկան մշակութային  հիմնադրամի անդամներն այցելեցին կենտրոն: Նրանք պատրաստել էին սուրբծննդյան ներկայացում,երգեցին  և խաղացին փոքրիկ բնակիչների հետ: Ներկայացումից հետո բնակիչներին բաժանեցին քաղցրավենիքներով լի փաթեթներ:       
• ԱԼԲՀ-ն Էջմիածնի քաղաքապետարանից սննդի նվիրատվություն ստացավ կենտրոնում բնակվող արցախցիների տրամադրելու համար:
• Հիմնադրամը պատարաստվում է ԱՄՆ-ից երկրորդ կոնտեյների փոխադրմանը: Առաջին կոնտեյները՝ լի հագուստով,կոշիկներով և այլ ապրանքներով արդեն ճանապարհին է  Հայաստանում ապրող կարիքավոր ընտանիքներին  բաշխելու համար:

 ՄԱՅՐԱՏՈՒՆ

• ԱԼԲՀ-ն շարունակում է կազմակերպել մասնագիտական պարապմունքներ բնակիչների համար՝ անգլերեն,համակարգչային հմտություններ,կար ու ձև,խոհարարություն և մատնահարդարում: Նրանք բարելավում են իրենց մասնագիտական  հմտություններն ու դառնում ավելի ինքնավստահ:
• ԱԼԲՀ-ն ամեն ուրբաթ վերսկսել է աստվածաշնչի սերտողության դասերը բնակիչների և մոտակայքում բնակվող գյուղացիների համար:
• Նոր տարվա և Սուրբ Ծննդի տոներից հետո հիմնադրամն իր  դռները բացեց ընտանեկան բռնության ենթարկված կանանց համար: Համավարակի պատճառով նրանք մեկուսացվում են 14 օր, ապա միանում հիմնական շենքում բնակվողներին:

ՕԳՆՈՒԹՅՈՒՆ ՀԱՄԱՅՆՔՆԵՐԻՆ

• ԱԼԲՀ-ն շարունակում է «Հույսի Ճրագ» ծրագիրը՝ տրամադրելով   հագուստի, ծածկոցների, հիգիենայի պարագաների, խոհանոցային իրերի մարդասիրական օգնության բաշխում կարիքավորներին:  Հիմնադրամն աջակցում է  նաև  Արցախից տեղահանված ընտանիքներին:
• «Հովանավորի՛ր Ընտանիք» ծրագրի շրջանակներում  ԱԼԲՀ-ն տրամադրում է դրամական օգնություն:    

ՄԵՐ ԵՐԱԽՏԱԳԻՏՈՒԹՅՈՒՆՆ ԵՆՔ ՀԱՅՏՆՈՒՄ

• ԱՄՆ-ից  հենասյուն դարձած  բոլոր նվիրատուներին, ովքեր օգնում են ապաստանը բաց պահել։
• Էջմիածնի քաղաքապետարանին՝ սննդի  նվիրատվության համար :
• Բոլոր մարդկանց, ովքեր այս դժվար օրերին կանգնած են հիմնադրամի կողքին և դրամային  նվիրատվություններ են կատարում արցախցի ընտանիքներին սննդով ապահովելու համար, ովքեր բնակվում են Post Shelter-ի տներում:
• Հայաստանում ՝ ԱԼԲՀ-ի բնակիչների և արցախցի ընտանիքների համար մատաղ և սնունդ նվիրաբերողներին։
• Ամերիկայի Հայ Ավետարանչական Ընկերակցությանը՝ մանկական կաթնախառնուրդ  նվիրաբերելու համար։