Տեղեկատվական նամակ Հունվար 2018
«Աստվածաշնչի սերտողության» դասերը շարունակվում են առաքելական եկեղեցու քահանայի առաջնորդությամբ: Հունվարին Տեր Պարթևը կատարեց Սուրբ Ծննդյան տոնակատարություն (Ջրօրհնեք) և օրհնեց ամբողջ կենտրոնը: Բոլոր բնակիչները և հարևան գյուղերի մարդիկ ներկա էին արարողությանը: Օրհնեց նաև սնունդը, այնուհետև տոնեցինք Քրիստոսի ծնունդը և մկրտությունը:
Մեր փոքրիկ բնակիչներից երկուսը ամեն կիրակի շարունակ լացում էին, որպեսզի մասնակցություն ունենային Սուրբ Պատարագին. Քանի որ մկրտված չէին, նրանց չէր թույլատրվում մասնակցել: Հատուկ նրանց համար մեր քահանայի հետ կազմակերպեցինք մկտրություն: Նրանք երկուսն էլ մկրտվեցին սուրբ Մարիամ Աստվածածին եկեղեցում: Այժմ նրանք տեր Պարթևի հետ խորանում մասնակցում են պատարագին և ծառայում են մեր եկեղեցուն որպես իրական քրիստոնյաներ: Մեր կենտրոնի ճաշասենյակում գեղեցիկ սեղանը մրգերով և անուշեղենով սպասում էր նրանց՝ տոնելու այդ իրադարձությունը: Թող Աստծու սերն ու ողորմածությունը միշտ մեր երեխաներին ուղեկից լինի։
- Արևածագ երեխաների աջակցության կենտրոնին բռնության ենթարկված երեխաների հետ անվճար հոգեբանական թերապիաներ անցկացնելու համար:
- Թերապևտ Սուսաննա Օնանյանին իր շարունակական կամավոր հոգատարությունը ցուցաբերելու ծերերին և բնակիչներին, ինչպես նաև ներգրավվելու նվիրատուների դեղորայք ձեռք բերելու համար:
- Ատամնաբույժ Արմինեին Lux- Med ատամնաբուժական կլինիկայից, ով շարունակում է իր բարեգործական աշխատանքները՝ տրամադրելով անհրաժեշտ ատամնաբուժական ծառայություն մեր բնակիչներին և իրենց երեխաներին:
- “Yes Republic” ինտելեկտուալ ակումբի տնօրինությանը և անձնակազմին մի ամբողջ օր մեր երեխաների հետ անցկացնելու և ինտելեկտուալ և ստեղծարար խաղեր խաղալու համար:
- Մանկական զարգացման կենտրոնին Վաչագան Թամազյանի գլխավորությամբ երեխաների համար մեր կենտրոնում հիանալի տիկնիկային ներկայացում կազմակերպելու համար: Փոքրիկ բնակիչները վայելեցին իրենց ժամանակը, իսկ վերջում ինտելեկտուալ և ստեղծարար խաղեր խաղացին իրենց անձնակազմի հետ:
|
|
