Տեղեկատվական նամակ Հոկտեմբեր 2015

ՄԱՅՐԱՏՈՒՆ

 Քանի դեռ մեր հիմնադիրները Հայաստանում են, նրանք անում են ամեն ինչ մեր  բնակիչների կյանքը ավելի հետաքրքիր դարձնելու համար: Բնակիչները գնում են եկեղեցի ամեն կիրակի, և եկեղեցուց հետո, տանում ենք նրանց կամ  խաղահրապարակ կամ հյուրասիրության այնտեղ, որտեղ խաղասրահ կա, որպեսզի հանգստյան օրերը ավելի հաճելի անցնեն: Այս անգամ հիմնադիրները տարել էին նրանց Էջմիածնի Տաշիր պիցցա: Բնակիչները շատ  ուրախ էին:

 

Երեք  նոր բնակիչներ իրենց երեխաների հետ եկել են մեր կենտրոն: Նրանցից մեկը 17 տարեկան է, նորածնի հետ: Նա հիվանդանոցից ուղիղ  այստեղ է եկել:  Ոչ ծնողներ, ոչ բարեկամներ:  Տղամարդը լքել էր, քանի որ նրանց տանելու տեղ չուներ:                             Բնակիչները  շատանում են մեր ապաստանում, գրեթե ամեն ամիս մենք ծննդյան տոնակատարություն ենք նշում:  Այս ամիս փոքրիկ Ալիսի ծնունդն էր:
Մեր աղջիկները մասնակցում են  կար և ձևի, համակարգչի, անգլերենի, մանիկյուռ/պեդիկյուռի,վարսահարդարման և խոհարարական դասերին:

 

ՀՅՈՒՐԵՐ

Օրերը շատ զբաղված են մեր կենտրոնում: Ամեն օր նոր և հետաքրքրի ծրագրեր ենք  իրագործում: Այս ամիս բժիշկ Սեդա Պողոսյանը Անգլիայից, եկել էր մեր կենտրոն և զննեց  «Պնակ մը կերակուր» ծրագրի մասնակիցներին:
Անահիտ Անանյանը Կալիֆորնիայից, սեմինարներ է անցկացնում Աստվածաշնչի սերտողությունից հետո, որը տեղի է ունենում ամեն ուրբաթ մեր կենտրոնում: Նրա  դասախոսությունները առողջության մասին են  և թե ինչպես հեշտ մեթոդներով պահպանել առողջությունը: Նրանք սիրով են լսում դասախոսությունները!!!

ՕԳՆՈՒԹՅՈՒՆ ՀԱՄՅՆՔՆԵՐԻՆ

ԱԼԲՀ-ն շարունակում է «Հույսի ճրագ» ծրագիրը: Շարունակում ենք մկրտել բոլոր տարիքային խմբերի այն մարդկանց, ովքեր ցանկանում են, ինչպես նաև մեր ապաստանի բնակիչներին:  Այս ամիս մկրտեցինք տասներկու նոր քրիստոնյաների, որոնցից հինգը մեր կենտրոնի բնակիչներ էին:
Շարունակում ենք օգնել նրանց, ովքեր կարիքի մեջ են:  Ինչպես միշտ բաժանեցինք ամենամսյա դրամական օգնություն՝  տրամադրելով հագուստ հովանավորյալ ընտանիքի  յուրաքանչյուր անդամի:
Հոկտեմբերի վերջին մեր հիմնադիրները գնացին Հայաստանից, որպեսզի շարունակեն իրենց  արժանապատիվ աշխատանքը Ամերիկայում: Մեր բնակիչները և անձնակազմը մաղթեցին նրանց հաջողություն և ապահով թռիչք:

 

 

Դիտեք մեր վերջին վիդեո հոլովակը.

https://www.youtube.com/watch?v=FKF4sOtkm8U&feature=youtu.be

.

Մենք բաց ապաստան ենք, խնդրում ենք այցելեք մեր կենտրոն,  մենք սիրով կկիսենք մեր փորձը Ձեզ հետ:
Ուղարկեք Ձեր էլեկտրոնային հասցեները տեղեկատվական նամակներ ստանալու համար:

ALCF P.O. Box 3595 Seal Beach, California 90740

USA Ph # 562.598.8025

Fax # 562.598.7958

Armenia ph# 374-93-32-78-34, 374-43-500-503

Address in Armenia: Armavir Marz, Ptghunk Village, Vartanatz 1

www.armenianlighthouse.org E-mail: armenianlighthouse@gmail.com