Տեղեկատվական նամակ Հունիս 2014

Մայրատուն

Մեդիան գնալով ավելի և ավելի մեծ ուշադրություն է դարձնում մեր կանանց ապաստարանին: ARM News- ը ցանկություն հայտնեց մեր ապաստարան այցելել: Նաև նրանք հրավիրեցին մեր անձնակազմին և բնակիչներին մասնակցելու իրենց հեռուստահաղորդմանը: Հաղորդումը հեռարձակվեց երկու անգամ, ինչի արդյունքում տեղացիների մեջ հետաքրքրությունը ավելի մեծացավ մեր գործի նկատմամբ: (Ծրագիրը կարող եք դիտել հետևյալ հասցեով (https://www.youtube.com/watch?v=qc12kah-6q4 ) Թեժ Գծի զանգերը չափազանց շատացել են: (20-80)  Բռնությունը այլևս <<Տաբու>> չէ, և շատ երիտասարդ կանայք, ովքեր մեր կարիքը ունեն, արդեն գիտեն` որտեղ դիմել: Ցանկացած ոք, ով դիմում է մեզ, գտնում է օգնող ձեռք:

Մենք շարունակում ենք ուսուցողական դասընթացները ապաստարանում, ներառյալ` համակարգչային, կարի, մանիկյուր- պեդիկյուրի և խոհարարական դասընթացները: Մենք ջանում ենք մեր բնակիչներին հնարավորություն ընձեռել աշխատելու և գումար վաստակելու, որպեսզի նրանք ձեռք բերեն ինքնավստահություն և սովորեն լինել անկախ:

Մենք նաև ակտիվորեն մասնակցություն ենք ցուցաբերում տարբեր հանրային և ուսուցողական ծրագրերի, որպեսզի իրազեկենք կառավարական մարմիններին, ինչպիսին են ոստիկանությունը, և մեծ հաշվով հանրությունը: Օրինակ, մեր տնօրենը` Նաիրա Մուրադյանը, մասնակցել է տարբեր սեմինարների: Նա ներկայացրել է մեր գործունեությունը Սեռական և այլ բնույթի Բռնության կանխման վերապատրաստողական ժողովի ընթացքում: Նա նաև մասնակցել է Հանրություն առանց Բռնության սեմինարին:

Օգնություն համայնքներին

Մենք շարունակում ենք <<Պնակ մը կերակուր>> ծրագիրը, ինչը շատ հայտնի է դարձել:  Երեք նոր ծերեր են միացել ծրագրին:

Վերջին շաբաթների ընթացքում, մենք երկու սայլակ ենք տվել որպես օգնություն: Մենք շարունակում ենք օգնություն ցուցաբերել մարդկանց, ովքեր մեզ օգնության նամակներ են գրում:  Այս ամիս 50 անհատ ուտելիք և հագուստ են ստացել: Մենք նաև օգնություն ենք բաժանել երեք գյուղերում (132 ընտանիք, 722 հոգի 3 մարզերից): Նաև ուղարկել ենք անկողնային և հիգիենայի պարագաներ Տավուշի մարզում գտնվող Մոնիկա և Մանե մանկապարտեզ:

Վերջերս մեծ պահանջարկի պատճառով մենք նաև սիրիահայերին ենք օգնություն ցուցաբերում, տալով ուտելիք, հագուստ և այլ անհրաժեշտ պարագաներ: Աստված միշտ մեզ հետ է մեր եղբայրներին և քույրերին օգնելու համար: Մենք երախտապարտ ենք մեր աջակիցներին, որ օգնում են մեզ այս ամենը դարձնել իրականություն:

Մենք Ձեր օգնության կարիքն ունենք այս աշխատանքն անելու համար: Խնդրում ենք ուղարկեք Ձեր օրհնությունը մեր կարիքավորներին:

ԽՆԴՐՈՒՄ ԵՆՔ ԿԱՏԱՐԵՔ ՁԵՐ ՆՎԻՐԱՏՎՈՒԹՅՈՒՆԸ

ALCF   P.O. Box 3595 Seal Beach California 90740

USA   Ph # 562.598.8025

Fax # 562.598.7958  www.armenianlighthouse.org

E-mail:  armenianlighthouse@gmail.com